Filomena College orguyoso di su alumnonan deportivo

ORANJESTAD (AAN): Ultimo lunanan, alumnonan di Filomena College MAVO (FCM) na San Nicolas tabata activo riba e tereno di deporte.

FCM tin como meta, stimula mas hopi posibel e talento dje alumno.

  Recientemente e alumnonan Keondre Harrigan y Elijah Blijden a ser felicita pa nan docentenan como cu hunto cu nan team di Basketball, esta Stealers di San Nicolas y Futbol, Estrella di Santa Cruz, a sa di gana medayanan di campeon 2024.

   Tambe e mucha muhenan di Volleyball a sa di conkista e medaya di zilver den e campeonato di volleyball escolar 2024. Nan tabata bao guia di meneer di gym, Roan Petronia.

   Director adhunto Ebby Goedgedrag a felicita y motiva nan pa sigui practica nan deporte preferi.