Fiesta di Pasco di La Salle College tabata fenomenal

ORANJESTAD (AAN): Un biaha mas, e alumnonan di La Salle College MAVO a demostra cu nan por tene un fiesta di Pasco, aunke e ta den oranan di mainta.

   Mainta trempan nan a acudi na Renaissance Conference Center pa asina goza di nan Fiesta di Pasco.  Esaki a bay combina cu un almuerso hopi apetitivo, delicioso, y cu a cay na agrado di tur hende.

   E mainta a bay cu palabranan y bendicion di Pastoor, entregamento di diferente certificado na alumnonan cu a sobresali den prome mitar di Aña Escolar, show di alumnonan, y mas.

   Tabatin combersacion na cantidad, y e alumnonan a come, balia, gosa, y tabata den nan bistirnan di mas special cu a trece e ambiente Navideño cerca tur esnan presente. Y nan tur a keda bon anima cu e sorpresa na final dunando show.  Docentenan tambe a haci nan best pa coopera y yuda unda cu ta durante e mainta aki.