Festehando e quinceañera di Isaqienne yen ambiente

ORANJESTAD (AAN): Famia Geerman a festeha e hecho cu nan prinses di mas chikito na cas, a yega 15 aña di edad. 

   Pesey a organiza un fiesta cu tema di naturaleza di cadushi y tuna, den forma di un Pool Party bon anima, na Parke Arawa na Moko.

   Isaqienne Geerman tabata henter dia cu un sonrisa grandi riba su cara, y hunto cu su amigonan a festeha su fecha natal hunto cu su mama Melissa, tata Andre, rumannan Isaac y Isalys.  Tabata presente tambe wela Calixta y Lissie, welo Buchi, tantanan Joseany, Jearitza, y Meredith. 

   Pabien tambe di su madrinanan Adeline, Miriam, y Shulaica, y padrinonan Nino y Marcel.  Hunto cu demas primo y primanan.

   Despues nan a canta Happy Birthday y a disfruta di un delicioso bolo cu tema di cadushi, y tur hende sigur a saca potret bay goal durante e celebracion.