ORANJSTAD (AAN): E organizacion di FEPOH tabatin un doble celebracion recientemente.
Uno di e motibonan di celebracion, ta cu nan ta super orguyuso di Stacey de Veer!
Stacey a bay Orlando pa competi den e evento di fashion week OFK Orlando Fashion Kids 2023. Na e evento internacional aki, Stacey a modela y cana riba pasarela cu algun bistir masha formidable mes. Y e gran noticia ta cu el a sali ganador den categoria di 'Super Top Model'.
Esnan di FEPOH a indica cu “el a slay riba catwalk”, a duna un public speech pa kita sombre y tabata super confident den tur area. E premio ta bon mereci y tabata tin Stacey su nomber riba dje for di prome dia!
Fuera di esey, esnan na FEPOH a celebra su di 21 cumpleaño. Masha pabien!
El a pasa bishita FEPOH cu e bunita trofeo cu el a haya na evento di OFK Orlando 2023.
https://diario.aw/categories/noticia/general/fepoh-contento-cu-e-logro-di-stacey-na-competencia-na-orlando#sigProIdc63c960982
