Fenomenal tabata evento di Balanzamento di Jeep

ORANJESTAD (AAN): Riba Dia di Rey, tabatin un Balanzamento di Vehiculo unico cu a tuma lugar na e evento di Don Flip Racing Team na Cas Ariba.

   Balanzamento di Vehiculo e biaha aki tabata special pa Jeepnan 4x4, unda cada chauffeur a bay demostra nan habilidad di purba balanza e vehiculo pa e keda zweef den aire cu tur cuatro wielnan.

   Publico a goza di e evento, y alavez a mira con diferente ciudadano a modifica y ‘drecha e imagen’ individualmente pa cada Jeep.  Asina tabata apoya cada chauffeur cu ta purba di logra e balans perfecto durante e actividad.

   E ganador di e evento a ricibi un fabuloso Trofeo special pa e ocasion aki.