WILLEMSTAD: Tabata Diasabra mainta cu funcionarionan di Guardacosta di Caribe Hulandes a sa di intercepta un boto sospechoso cu diferente persona abordo den awanan teritorial di Curaçao.
Na prome instante, ora cu e capitan di e boto a mira Guardacosta, el a trata na huy. Na diferente ocasion a trata na obliga esaki pa stop, pero e tabata sigui cu speed halto tratando na aleha.
Ora cu esnan di Guardacosta a cuminza manda tiro di advertencia, e ora numa e capitan a dicidi na stop e boto.
Abordo tabatin cinco homber Venezolano cu paki di droga. E speedboat di Guardacosta, esta e Metal Shark a guia e boto aki pa el a bin mara na e Pier di Guardacosta na Curaçao.
Aki e cinco hombernan cu e pakinan di droga a wordo entrega na Cuerpo Policial di Curaçao pa asina nan sigui cu e investigacion.
