Fenomenal cosecha di fruta y berdura na Pius X School

ORANJESTAD (AAN): Tabata apenas 3 luna pasa, pues na comienso di Juni 2024, cu un cantidad di boluntario, mayor, muchanan di scol, Ministro,

y hasta turista a bin duna un man pa asina Pius X School na Dakota a haya nan prome hardin di fruta y berdura, den otro exitoso proyecto di Agroforesteria na Scol.

   E siman aki, esnan na Pius X School a duna informacion con nan hardin ta bayendo.  Y e ta uno fenomenal. Bao guia di docentenan, un klas a bay mira con e hardin ta progresando.  A bin mira basta fruta y berdura keto bay den proceso di hecha.

  Pero si a topa cu monton di concomber cu ya caba tabata cla pa kita, y muchanan a haya un placer enorme di yuda kita nan, y pone esakinan den caha.

  Esaki nifica cu muchanan a start aña escolar cu cosecha, y tabata encanta pa mira con naturalesa ta dunabo cuminda cu djis un tiki cariño y awa.

   Docentenan di scol a indica cu un bon concomber stoba awor lo ta na ordo pa asina nan purba y compronde loke nan hardin ta produciendo.