ORANJESTAD (AAN) - Johanna Albertus di Vorststraat a bira e feliz ganador di Fruta Cosecha pa Diasabra 19 di Juni.
Yiu di señora Albertus a tuma e premionan for di colega Ricardo Jimenez Diabierna atardi mes, ya cu un di e premionan ta 2 carchi di Bingo Aruba special pa dia di tata y un bon di Super Food, pa asina e por a disfruta di su bingo Diadomingo ultimo.
Lectornan por participa den e siguiente adivinanza di Fruta Cosecha y nomber di un ganador lo wordo publica dia 10 di Juli. E premio di dia 10 lo ta un bon di Super Food.
