Felipe Hill y Lorraine Daal a bira e miho empleadonan di Wind Creek Aruba

Celebrando excelencia cu evento ‘Best of the Best 2025’

ORANJESTAD (AAN): Recientemente Wind Creek Aruba a celebra su evento annual di excelencia “Best of the Best”. Un celebracion di logronan excepcional specialmente dedica na e miembronan di ekipo cu mas a destaca den nan trabao durante e aña 2025. E no tabata djis un simpel ceremonia di premiacion, pero un evento cu den tur sentido ta refleha e compromiso profundo di nos proposito.

   Wind Creek Aruba ta crea un ambiente di trabao por medio di e envolvimento autentico y energia positivo, creando un escape excitante den nos bida diario yen di oportunidad y posibilidad, asina asegurando cu cada miembro di ekipo y cada huesped tin un sintimento di importancia.

   Wind Creek Aruba, ta kere firmemente cu un ambiente di trabao positivo ta e clave pa crea experiencianan memorabel. Un di e balornan fundamental ta reconocimento.

   Un di e formanan di reconocimento pa e miembronan di ekipo ta e programa Best of the Best (BOTB). Cada kwartaal e programa aki ta celebra y reconoce e compromiso y dedicacion di e miembronan di ekipo. Tur miembro di ekipo di cualkier nivel por nomina y wordo nomina. Asina ta sigura un proceso di reconocimento husto y significativo. E nominacionnan ta wordo clasifica segun e siguiente balornan, cu ta Compromiso Entusiasma cu e Proposito, Miembronan di Ekipo Inspira y Empodera, Hacie Corecto, ta e Miho, Diberti, y Enfoke riba Huesped y Liderazgo.

   For di e nominadonan di cada categoria un ganador ta wordo selecta. Recurso Humano ta traha hunto cu un comision di votadornan forma pa managers, directornan, y ganadornan di e aña anterior.  Na final di e aña, e ganadornan di cada kwartaal ta haya un reconocimento adicional den forma di un evento special y regalonan unico pa baloranan un poco mas.

   Cu e reconocemento aki no ta solamente ta honra nan pa nan trabao excelente, pero tambe pasobra nan ta contribui na e cultura di excelencia, aprecio, trabao den ekipo cu ta fortifica e proposito di Wind Creek Aruba.

   Hunto cu e compania principal Wind Creek Hospitality ta priorisa su miembronan di ekipo, esaki a wordo  refleha den e presencia di nos Assistente Vice-Presidente Ehecutivo di Recurso Humano señora Terri Breckenridge, cu a biaha for di Merca pa comparti y honra tur e nominadonan.

Durante e anochi inolvidabel e siguiente 20 nominadonan excepcional, cada uno representando e balornan cu ta defini e cultura di Wind Creek, a wordo honra:

   (*) Compromiso Entusiasma cu e Proposito – Eherciendo trabao yen di energia positvo y pasion.

Gerald Dirksz, Administrative & General - Casino Revenue.

Luis Ramirez, Player Services.

Luisa Gabriela Perez Oliveros, Front Office.

Felipe Hill, Flux Bar.

  (*) Miembronan di ekipo Inspira y Empodera – Sostene y crea un ambiente di trabao inspira y empodera.

Lemieux Peterson, Papagayo Renaissance Island.

William Pardo, Engineering Marina Hotel.

Gloria Mercedes Salguero Lopez, Okeanos Spa.

Nelson Molina, Flux Bar.

   (*) Hacie Corecto, ta e Miho, Diberti – Traha cu excelencia mientras ta diberti durante trabao.

Florendo Baliton, Casino Service Bar.

Gerald Ridderstap, Casino Player Services.

Mendy Martinus, Casino Player Services.

Melanie Duran Maduro, Flux Bar.

   (*) Enfoke riba Huesped – Hospitalidad como prioridad y ta crea experencianan memorabel.

Giovanni Stephens (Den Feliz Memoria), Casino Security.

Nivia Leest, Housekeeping Ocean Suites.

Franky Wouters, Casino Tables - Crystal Casino.

Angelo Leest, 5 o'Clock Somewhere Bar.

Liderazgo – Guia ekipo cu dedicacion y integridad.

Giovanni Kock, Accounting.

Rafaella Jones, Casino Marketing & Promotions.

Mayella Britten, Administrative & General.

Lorraine Daal, General & Administrative.

   Cada ganador di cuartal a ricibi $1,000 netto, un Gift Card di Wind Creek, y un certificado. E ganadornan di aña a haya $10,000 netto, un Gift Card, y un biahe y estadia pa dos persona pa un di e propiedadnan di Wind Creek Hospitality na Merca of Corsou.

   Despues di a honra cada un di e nominadonan un biaha mas cu un trofeo, a anuncia e ganadornan maximo.

   (*) Ganadornan di Best of the Best 2025.

Miembro di Ekipo di e aña 2025: Felipe Hill (Flux Bar).

Premio di Liderazgo di aña 2025: Lorraine Daal (General & Administrative).

   Ambos Felipe y Lorraine ta miembronan di ekipo ehemplar bibando e proposito di Wind Creek.  Nan dedicacion, pasion, y compromiso cu excelencia a destaca. Nan liderazgo y entusiasmo ta inspira tur esnan rondo di nan y nan impacto ta refleha e creencia cu exito ta basa riba envolvimento autentico, energia positivo, y un comprondemento berdadero di e necesidad di huesped y miembronan di ekipo.

   Wind Creek Aruba ta sumamente gradicido na tur miembro di ekipo cu ta haci’e un lugar excepcional pa traha y bishita. Nos ta compromete pa sigui crea un ambiente di trabao na unda cada miembro di ekipo ta sinti inspira y empodera y cu e ta importante.

   E evento aki a sirbi como un recordatorio poderoso cu miembronan di ekipo ta importante den di tur loke Wind Creek Aruba ta haci. Felicitacion na tur e nomindadonan y ganadonan di Best of the Best, boso ta haci Wind Creek Aruba realmente special.