ORANJESTAD(AAN): Widya Matawlie Decano di Financieel Economische Faculteit (FEF) di Universidad di Aruba recientemente
a splica cu e facultad financiero economico tin programanan renoba di estudio, cerca Marketing Management y cerca Finance and Control.
Durante e Open Dag na Universidad tur esnan interesa a haya informacion riba e programanan renova.
Segun Matawlie tabata tin hopi interes den e opleidingen aki.
Nan tabata tey caba, pero awor a haci renovacion den Marketing Management y Finance Control, mirando e cambionan y desaroyonan cu a tuma lugar y ta tumando lugar ketubai por ehempel den mundo tecnologico.
Esaki ta importante, pasobra asina ta siña e studiantenan cierto manera, mirando e demanda cu tin riba diferente area.
“Locual ta bon nos ta mantene y locual por mihor nos ta mehora”, segun e decano.
