ORANJESTAD (AAN): Esaki sigur ta un bon noticia pa esnan cu ainda no a logra paga of pa esnan cu a lubida e 'deadline'.
Departamento di Impuesto (DIMP) a anuncia cu pa e contribuyentenan cu falta pa paga impuesto di vehiculo di motor pa e di dos mita di aña, DIMP den consulta cu Minister di Finanzas a prolonga e fecha di pago. Aworaki e fecha final ta bira 2 di augustus 2021.
E fecha final tabata 30 di juni 2021 y den consulta cu Minister di Finansas, Xiomara Maduro, a dicidi di extende e periodo di pago.
