ORANJESTAD (AAN): E tabata un Dentista na ciudad di Portland na estado di Maine (Merca), cu tabata traha oranan largo,
seis dia pa siman durante henter su carera. Dr. Donald Verrier a bira un Dentista prominente debi na esaki, y su yiunan tambe a sigui mesun rumbo di carera. E tabata duna instruccion tambe na Dentistanan recien gradua y mucho mas.
Ora cu el a bay cu pensiun na 2013, el a busca forma pa viaha y busca aventura y bishita lugarnan. El a bay riba tur sorto di aventura.
Tabatin un dia cu nan a bise, cu nan ta bayendo e restaurant Applebee’s pa come ribs. Asina cu el a drenta auto, nan tur a bay rumbo pa Aeropuerto, y subi avion y bin rumbo pa Aruba.
Nan tabatin reservacion na un restaurant local cu tin mesa poni riba beach. Mientras cu nan tabata canando riba e santo blanco pa bay na e mesa, nan a mira e Dentista cuminza yora. Esey tabata su prome bishita na Aruba y tabata hopi emocional.
Den fin di siman cu a pasa, a drenta e informacion cu Dr. Verrier a fayece. El a bay lagando su esposa cu kende e tabata casa pa 52 aña, y tambe tres yiu muher.
