FAVI ta celebra “Dia Internacional di Garoti Blanco Strepi Cora” cu un caminata

Sary Wernet ta informa:

ORANJESTAD (AAN)—Sary Wernet di Fundacion FAVI, a duna di conoce den entrevista cu DIARIO, cu Diadomingo 15 di October, “Dia Internacional di Garoti Blanco  strepi Cora”, ta bay tin e caminata, pa cruza caya cu garoti, saliendo di e parket plats di Alhambra.

Nan lo haci uso di e cruzada. Tur hende lo wak con e personanan cu limitacion visual ta cruza, pero FAVI kier pa tambe e  publico experiencia kico kiermen cruza y kico e sentimento ta.

            FAVI kier invita comunidad pa cana cu nan, kiermen join cu nan den e caminata.

“E ora ey nos por compronde otro miho, y pa tene cuenta cu e persona cu   limitacion di bista. Si bo mira nos cu garoti blanco cu strepi cora, sea den Playa, supermarket, scol, den un evento festivo duna nos e chens pa nos por cruza. Nos no ta mira bo. Pues bin celebra cu nos, Diadomingo 15 di October,  Esey ta e mensahe cu nos di FAVI kier duna”, Sary Wernet a expresa.

            Ainda tin algun ticket y FAVI kier pa sold out e siman aki pa asina nan tin un caminata exitoso.