ORANJESTAD (AAN): E siman aki, Fundacion FAVI a indica cu nan a cancela e Caminata Anual.
Segun FAVI, manera tur hende ta na altura COVID-19 a percura cu hopi actividad social y den grupo mester a worde posponi of cancela.
Asina aki tambe e caminata 2020 y 2021 di FAVI cu ta tuma lugar anualmente den luna di maart of April mester a worde cancela.
Comunidad di Aruba a cumpra carchi pa participa y nos ta gradicibo di curason pa esaki. Si bo a cumpra un carchi y ta desea di haya bo placa back, please pasa na FAVI cu bo carchi y reclama esaki promer cu dia 2 di juni 2021.
Pa tur esnan cu a cumpra un carchi y ta considera esaki como un donacion, nan ta gradicibo inmensamente.
Nan ta spera di por organiza e caminata pronto atrobe. FAVI ta situa na Primavera 233.
