ORANJESTAD (AAN): E ta e koki orguyo di Aruba, esta Joselito Alberts kende pa hopi aña caba ta labora como koki na Disney Resort na Merca.
Alberts ta un yiu di tera cu a biba varios aña na Merca, trahando como coki na hotel di Disney World. Recientemente el a haci un bishita di cortesia cerca Ministro di Deporte, Endy Croes.
Durante e reunion Sr. Alberts a presenta varios idea nobo cu e lo desea di realiza na Aruba. Un di e ideanan cu Sr. Alberts a trece ta pa e mundo di Dragracing. Sr. Alberts tin conexion cu varios persona den e mundo aki na Merca. Un grupo di persona cu potencial pa yuda den e desaroyo di e pista di Palo Marga.
Otro idea un Sr. Alberts a presenta ta pa organiza un competencia di Food & Beverage (F&B), unda cu tanto coki local como internacional por competi contra otro. Esaki sigur ta un tremendo idea cu lo contribui na e turismo di Aruba.
Durante e reunion a palabra cu Sr. Alberts lo traha riba un plan mas concreto di esaki y lo reuni back den un futuro cercano pa elabora riba e proyecto aki
