Famoso cantante Miosotis di ex-New York Band lo produci cancion den duo cu Robert Jeand’or

ORANJESTAD (AAN): Un bon noticia suministra door di Jan Poets di loke a pasa na Merca.

   “Durante e viaje di Robert Jeand'or na Miami hunto cu su producer Alvin Giel, amigo musico Danny Koolman y boso sirbidor Jan Poets, ademas di a realisa grabacion di voz den studio di El Maestro Diego Gale pa e Salsa "Cuarto Bate" y grabacion di video clip pa e Salsa "El Chuleton", tambe a reuni na Fort Lauderdale den e espectacular Hard Rock Hotel & Casino cu e famoso solista ex-cantante di New York Band, Miosotis.”

   Alvin Giel kende ta fungi como productor musical a organiza e reunion fructifero aki den cual e propio famoso cantante ta confirma den un entrevista exclusivo cu su persona lo bay produci un cancion den duo cu Robert Jeand'or.  Por cierto por a compronde for di Alvin Giel cu ya e cancion ta casi cla.

   Ken ta Miosotis: E dama aki naci na Brooklyn, New York, di famia Dominicano, cu apenas 15 aña a forma parti di e famoso grupo di Wilfrido Vargas. Despues a bira hopi popular cu e tremendo Banda musical The New York Band cu e hitnan clasico "Corason de Azucar" y "Dame Vida".

   Segun Alvin Giel cu e proyecto aki lo bay ranca sali mey-mey den 2022. E ritmo lo ta uno contagioso. Ta trata aki di un duo poderoso y cu sin duda lo bay cosecha un exito rotundo den e gigante mercado Latino Americano.

   Sin duda algo pa nos aplaudi y ta desea Miosotis, Robert Jeand'or y Alvin Giel tur clase di exito cu e deseonan pa conquista Latin Music Grammy Awards.