ORANJESTAD (AAN): Aruba Lions Club kier informa comunidad di Aruba, tur nos sponsors y colaboradornan, cu nan Bingo programa pa Diasabra 25 di September 2021 a cambia di fecha.
DIARIO a haya sa cu awor e lo tuma lugar dia 6 di November, 2021. Lamentablemente Covid a bati na porta di algun miembro / voluntario y esaki ta pone cu nos mester a tuma e decision aki.
Nan ta desea nos miembronan y voluntarionan un pronto recuperacion. Comunidad tin mas tempo pa por busca nan Bingo pa asina contribui cu
Aruba Lions Club. Follow nos Facebook page pa tur update di nos Bingo, pa bo haya sa na unda bo por cumpra bo Bingo ademas di tur miembo di Aruba Lions Club.
Un gradicimento grandi na Sr Frank Solognier y Sr Mario Arends di Bingo Aruba pa nan cooperacion y na comunidad di Aruba pa nan comprension.
