Famia di SEPPA a celebra su tradicional brindis di Pasco y Aña Nobo cu tur su miembronan

Magaly Brito, Secretario General:

ORANJESTAD (AAN)—Sindicato di Empleadonan Publico y Priva di Aruba (SEPPA) a celebra su tradicional brindis di Pasco di Nacemento y despedida di aña 2023, pa su miembronan, na Club Caiquetio.

Magaly Brito, Secretario General di SEPPA a comenta pa DIARIO, cu esaki ta un oportunidad pa nan bin hunto, como un famia grandi, pa hunto despedi di aña 2023 y gradici pa tur cos bon cu a trece pa nan, y naturalmente pa locual a logra, aunke nan no a keda cla cu tur cos, pero esaki ta keda pa sigui traha p’e na 2024.

Brito a señala cu esaki ta un forma tambe pa yama bon bini na tur cos bon cu bin durante 2024.