ORANJESTAD (AAN) – E lista di stakeholders externo, cu falta pa participa den e reunionnan den cuadro di formacion di Gobierno nobo,
ta birando hopi mas chikito, segun Minister Presidente y Formador mr. Evelyn Wever-Croes a bisa den conferencia di prensa.
E dignatario a indica cu despues lo reuni cu e stakeholders interno, cu ta e departamentonan di gobierno cu ta importante pa reuni cu nan den cuadro di formacion, pa tin un bon bista di dje.
Formador Wever-Croes a subraya cu e mes lo no bay sinta cu cada departamento di gobierno pero cada minister mes lo haci esaki unda cu e lo asisti nan mas tanto posible, pero nan ta esnan cu lo mester duna Formador un bon bista di kico ta e retonan di mas grandi pa e gobernacion, na e momentonan aki.
