Falta poco dia pa e evento anual pa recauda fondo di Cruz Cora Aruba “Roaring Twenties”

ORANJESTAD (AAN)- Ta falta 2 siman pa e evento annual di Cruz Cora Aruba pa recauda fondo.

E evento aki lo tuma lugar na Aruba Surfside Marina dia 11 di juni y ta spera di bira un anochi hopi ameno cu bon entretenimento pa Blue Boulevard.

            Pa e ultimo 10 aña Cruz Cora ta organiza su fiesta anual pa recauda fondo, fondonan cu ta wordo usa pa financia proyectonan social den comunidad na Aruba.

            Programa manera: Pan y Sopi (sopi tur siman pa comunidad den necesidad den San Nicolas); Sandwich Day (tambe 2 biaha pa siman); Biba Bida (programa pa nos adultonan mayor); Thriftshops (San Nicolas y Dakota pa yuda esun cu tin un necesidad y budget chikito); Feminine Hygiene package (tur luna ta yuda cu productonan di hygiene femenino na esnan den necesidad). Tambe fondonan ta wordo usa pa training di voluntario, material pa calamidad etc.

            Romar Trading  lo zorg pa un experiencia unico na tur cu gusta un bon biña pero tambe lo setup un bar di Johnnie Walker cocktails. L’Oreal tambe lo tey cu un sorpresa!  Hodgson Trading lo presenta e excelente biña di cas Wapisa! Wapisa ta conoci pa ta un cas revolucionario situa na e costa di Patagonia.

Y despues di tabata un “Hit” na e evento di algun aña pasa, a invita Palmera Quality Products un biaha como sponsor na Aruba Surfside Marina dia 11 di juni. Nan ta preparando riba e “Welcome drink” special pa e anochi aki.

            Cruz Cora Aruba ta ful swing den preparacion pa e gran dia aki y por pasa cumpra ticket na su oficina na Pedro Gallegostraat 14, Dakota. Pa grupo, por e-mail y reserva ticket na This email address is being protected from spambots. You need JavaScript enabled to view it.