Lelicia Tromp, Relacionista Publico di WKF
ORANJESTAD (AAN): Lelicia Tromp, Relacionista Publico di Koningin Wilhelmina Fonds Aruba (WKF) a splica den un entrevista cu DIARIO, cu falta di fondonan ta keda un reto pa e fundacion.
Wilhelmina Fonds ta yuda damanan cu despues di mastectomie pa motibo di cancer di pecho, si nan tin prothese, pa nan ta haya e bh. Como tambe e parti di cuido na cas of si un hende ta den cuido palliativo, nan ta percura pa tin un enfermero pa bin yuda na cas.
Wilhelmina Fonds ta yuda den diferente manera, cu no ta costa nan pashentnan nada, pero e gastonan si ta cay pa e fundacion, specialmente pa loke ta trata e parti di e enfermeronan.
Tromp a indica cu nan campaña di colecta anual ya a tuma luga e aña aki, pero semper donacionnan ta bonbini y asina nan por sigui brinda mas pashent nan necesidadnan.
