Fabuloso reaccion pa cu fiesta di Colegio Arubano

ORANJESTAD (AAN): Diasabra anochi a tuma lugar riba Plaza Capelo na Colegio Arubano den Vondellaan,

e celebracion di 65 aniversario di e scol, cu un fiesta “Temp’i Colegio”.  Un anochi cu animacion musical di DJ Sky, Robert y su Solo Banda Show, Tsunami, y tambe Colegio Arubano Band.

   Por a mira hopi ex-Colegiano di decada di 1970, 1980, 1990, 2000, y tambe 2010 presente na e fiesta aki.  Popular docentenan di semper, manera Meneer Matthew, Meneer Booi, y Meneer Capelo tabata presente y tabata wordo saluda paki-paya constantemente.

   E fiesta tabata bon anima y tur hende a sali satisfecho di e anochi fenomenalmente organiza!