Exposicion publico Caribbean Linked VI lo haci su apertura diadomingo proximo

ORANJESTAD (AAN):  Ateliers ‘89 Punto di Beyas Arte Aruba, den colaboracion cu The Fresh Milk Art Platform, Barbados y ARC Magazine tin

e placer pa invita bo/-boso pa apertura di e exposicion di Caribbean Linked VI. E exposicion lo tuma luga na:

Ateliers ‘89

Dominicanessenstraat 34

Diadomingo 14 di Augustus 2022

Orario: 6.00 or di atardi

            Artistanan Caribense di islanan Frances, Spaño, Ingles y Hulandes a biba y traha cu otro durante nan estadia di tres siman aki na Aruba. Nan a recore e isla y compromete e isla cu nan espacio cultural.      Tambe durante nan estadia nan a tene charla tocante obranan cu nan a yega di traha. Y lo tene un exposicion di obranan cu actualmente nan ta trahando riba di dje. Esakinan lo ta obranan di arte contemporaneo.

            E anochi di apertura lo ofrece na e bishitanan algo pa refresca garganta y entretene e publico. Musica lo ta na encargo di DJ Adriano Nanof.

Artistanan partisipando na Caribbean Linked VI:

Vesuhely Americaan (Curaçao)

Claudio Arnell (Saint Martin)

Taisha Carrington (Barbados)

Romelinda Maldonado (Aruba)

Justin Reinir Croes (Aruba/The Netherlands),

John Reno Jackson (Cayman Islands)

Sarabel Santos-Negrón (Puerto Rico)

Samuel Sarmiento (Aruba/Venezuela)

Béliza Troupé (Guadeloupe)

E escritor den residencia: Ethan Knowles (The Bahamas)

E curador den residencia: Sofía Olascoaga (Mexico)

            Tur persona envolvi den e estadia na Aruba a duna un tremendo cantidad di tempo y sin keda di menciona e compromiso entusiasmo pa e exposicion por ta un realidad. Un caluroso bon bini na un y tur. Bin experencia e culminacion di e esfuerso di e artistanan di Caribbean Linked VI.