ORANJESTAD (AAN): Informacion for di estado di New Hampshire, ta indica cu e dama Rose Marie Rodolico a fayece na fin di luna di Juli, na un Cas pa Anciano. E tabatin 93 aña di edad.
E tabata casa anteriormente pa 61 aña largo cu su casa Dr. John Rodolico kende a fayece algun tempo pasa.
Mayornan di Rose Marie ta procedente di Italia, pero el a nace na Boston na Augustus 1928. Despues di Highschool el a conoce su casa John, y hunto nan a goza di bida, y di nan tres yiunan.
Rose Marie y su casa tabata gusta viaha y bay beach. Pesey nan tabatin Aruba como nan destinacion favorito pa goza di vakantie, y bishita restaurantnan Italiano. E tabata viaha tambe pa Sicilia (Italia), y tambe pa Las Vegas.
Na Merca, Rose Marie tabata miembro di Centro di Comunidad Italiano, y tabata activo tambe como laico na iglesia. El a bay laga su tres yiunan, nietonan, y tambe bisanieto. Su entiero a tuma lugar Diabierna siman pasa.
