Expo Biba Bida pa nos grandinan tumando tur precaucion

ORANJESTAD (AAN): Cruz Cora Aruba ta preparando algo hopi special pa nos grandinan (65 plus) na Aruba.

Biba Bida, den su rol di organisa actividadnan educativo, recreativo y di movecion pa esunnan di 65 aña of mas ta trece un atardi cu hopi topico informativo pa e invitadonan. Importante pa menciona ta cu ta tumando tur medida di precaucion na serio pa e Expo.

Protocolnan durante Expo 2021: Tapaboca ta obligatorio; hand sanitizer na tur momento; lo tin capacidad maximo di 15 persona den cada sala di presentacion cu 1.5 meter di distancia entre stoel. E info booths y actividadnan fisico ta den aire liber.

Expo 2021 ta tuma lugar na Aruba Surfside Marina diamars 24 di augustus, 2021 entre 6.30-8.30pm.

Con pa Participa?

Por busca un ticket di entrada gratis na: Cruz Cora Dakota, Pedro Gallegostraat 14, Dakota, entre 9 pa 23 di augustus, mientras tin den stock. Of ma Cruz Cora San Nicolas, Lagoweg 36 entre 9-23 di augustus, mientras tin den stock.

Topico y Actividadnan:

Sala A (Max. 15 persona)

6.30pm            Reumatologo, Dr. Rellum (Nos grandinan y reuma)

7.05pm            Specialista di stoma, tripa y higra, Dr. Franca (Cancer di Tripa)

7.40pm            Reumatologo, Dr. Rellum (Movecion cu reuma)

8.15pm            Nutricionista, Sra. Iraida Thijzen

Sala B (Max. 15 persona)

6.30pm            Higiena personal na edad halto pa Marieta Wanopa

7.15pm            Wilhelmina Kanker Fonds

8.15pm            Sea consciente! pa Janine Rodriguez

Sala C (Max. 15 persona)

6.30pm            Nos matanan y nan beneficio pa salud, pa Joswan Wernet

7.05pm            Aruba Heart Foundation

7.40pm            Nos matanan y nan beneficio pa salud, pa Joswan Wernet

8.15pm            Con nos ta prepara pa horcan, pa Cruz Cora Aruba

Gazebo (bisti comodo pa participa!)

6.45pm            Transition 2 Health cu yoga, stretching y fysiofit

8.00pm            Qi Gong pa Centro Quivit cu Sofie