Expo Beyond Words a keda inaugura na UNOCA

ORANJESTAD (AAN): Bou di auspicio di FARPA a caba di tuma luga e di EXPO Beyond Words y mester conclui cu e obranan di artista ’Stanga” ta di un nivel halto.

            E obranan ta sumamente bunita y henter e evento ta exitoso. E 34 obranan ta cologa den e tres salanan di UNOCA y tambe tin un proyeccion di imagen masha bunita den un di e salanan. Tabatin basta persona presente na e preview aki, admirando e trabou di ‘Stanga’. E obranan ta papia pa nan mes y tur hende ta liber pa interpreta e mensahe di e obranan con nan ta compronde e trabou. Esey no ta kita cu ‘Stanga” ta dispuesto pa duna splicacion di kico a inspir’e pa crea e obra.

            Apertura oficial di e exposicion aki a tuma luga dia 15 di October pa 8or, pero e exposicion aki ta keda para pa un luna na UNOCA pa asina e henter pueblo di Aruba por bishit’e.