Exitoso Surf Camp pa mucha organiza pa Sarah-Quita Offringa

ORANJESTAD (AAN): E campeon mundial di Aruba den windsurfing, esta Sarah-Quita Offringa a dicidi na organiza un kids camp pa e muchanan di Aruba, y rapidamente e planning pa esaki a materializa. 

E mama di Sarah-Quita a bin cu e nomber di ‘Bela Yen’, y esey ta loke el a bira tambe.

   E idea di “Bela Yen Surf Camp” tabata pa siña muchanan di Aruba con pa windsurf, y mesun momento laga nan cera conoci cu tur actividad cu beach tin pa ofrece.

   E compania Setar NV a bira un di e patrocinadornan grandi cu a duna un man den e Surf Camp aki.  Nan a indica cu e prome dia di Bela Yen Surf Camp di Sarah-Quita ta un exito total!  Como 20 mucha a disfruta di e oportunidad pa siña di nos propio Campeon Mundial.

   Mira e caranan feliz disfrutando di e deporte di windsurf! Un danki special na Cookout Aruba pa e tremendo hamburgernan. Setar NV sigur aportando na nos muchanan y hubentud.