Exitoso presentacion di Payroll Pro HRM na Suriname

ORANJESTAD (AAN): 101 Consultancy, e distribuidor exclusivo di Payroll Pro HRM na Suriname,

hunto cu Gamma IT Solutions a organisa un presentacion di Payroll Pro HRM sumamente interesante pa clientenan y diferente compania y organisacionan na Suriname.

Durante e presentacion treci dilanti door di Sheryill Redjopawiro, Payroll Pro HRM consultant di 101 Consultancy, a duna informacion tocante e modulo di Human Resources di Payroll Pro HRM, e employee y manager self-service portals y e mobile app.  

            Un delegacion di Gamma IT Solutions consistiendo di Koos Veel, Teiry Croes y Frank Baks a participa den e evento aki tambe y a experencia un publico hopi entusiasma y por a mira con e interes pa cu Payroll Pro HRM ta sigi crece.

            Cu e self service portals y mobile app empleadonan por tin control di nan informacion di payroll y Human Resources den nan plant’i man. Nan por eherce un cantidad di funcion manera download payslips, download loonopgaaf, pidi vakantie, pidi overtime of time back, meld ziek, contact HR y controla nan informacion personal.

            E manager self service portal ta duna managers e opcion pa aproba of rechasa vakanties y demas solicitud. E manager portal tambe por wordo uza pa verifica informacion personal di empleadonan.

            Michel Akrum, director di 101 Consultancy, ta splica: “Nos ta sumamente contento cu e cantidad grandi di persona cu a bin na e presentacion di Payroll Pro HRM y cu por a wak tur e beneficionan di e modulo di Human Resources di Payroll Pro HRM. Nos ta premira cu lo tin hopi interes pa esaki y sigur pa e mobile app tambe.”

            E mobile app di Payroll Pro HRM ta completamente gratis pa tur cliente cu tin e modulo di Human Resources di Payroll Pro HRM.

            Frank Baks, director di Gamma IT Solutions ta comparti: “E interes pa Payroll Pro HRM ta sigi crece na Suriname. Nos ta gradici 101 Consultancy pa e presentacion tremendo cu nan a trece dilanti y pa e support cu nan ta duna tur cliente di Payroll Pro HRM na Suriname.”