MENLO PARK: E compania Meta cu ta doño di Whatsapp, a divulga e lista di smartphone cu entrante Diaranson 30 di November 2022 lo no por traha mas cu e servicio di messaging di Whatsapp.
E celularnan afecta, lo ta esnan cu tin un sistema operativo cu ta bao di Android 4.0.3 of esnan cu tin iPhone cu tin version di iOS12 of mas bieu.
Pues pa evita cu bo por haya problema cu diripiente bo Whatsapp no ta funciona mas, y si bo no tin chens di update bo smartphone of cumpra uno modelo mas moderno, e ora kizas bo tin di bay cambia pa un otro aplicacion di messaging pa evita problema di seguridad.
Esaki ta e lista: Esaki ta e lista di e celularnan cu lo keda sin Whatsapp entrante 30 di November: E lista ta inclui lo siguiente pa esnan cu ta usa:
- ••Apple iPhone: No por usa iPhone 6S, ni iPhone SE, y tampoco iPhone 6S Plus.
- ••Samsung: No por usa Samsung Galaxy Core, Samsung Galaxy Trend Lite, Samsung Galaxy Ace 2, Samsung Galaxy S3 Mini, Samsung Galaxy Trend II, y Samsung Galaxy X cover 2.
- ••LG: No por usa LG Optimus L3 II Dual, LG Optimus L5 II, LG Optimus F5, LG Optimus L3 II, LG Optimus L7 II, LG Optimus L5 Dual, LG Optimus L7 Dual, LG Optimus F3, LG Optimus F3Q, LG Optimus L2 II, LG Optimus L4 II, LG Optimus F6, LG Enact, LG Lucid 2, y LG Optimus F7.
- ••Huawei: No por usa Huawei Ascend Mate, Huawei Ascend G740, y Huawei Ascend D2.
- ••Otro marcanan: No por usa Sony Xperia M, Lenovo A820, ZTE V956-UMI X2, ZTE Grand S Flex, ZTE Grand Memo, Faea F1THL W8, Wiko Cink Five, Winko Darknight, y Archos 53 Platinum.
