Exitoso Open House di Universidad di Aruba

ORANJESTAD (AAN): Universidad di Aruba ta vibra di emocion despues di un Open House sumamente exitoso cu a tuma luga diahuebs, 6 di november.

E anochi tabata un berdadero celebracion di conexion, compromiso y e decision invaluable di e studiantenan pa activamente inverti den nan propio biahe educacional.

   Compromiso pa pone Calidad prome cu Cantidad: Enfoke di e Open House di e aña aki no tabata riba e cantidad di participante, pero riba e calidad di e compromiso. E studiante- y mayornan cu a join nos tabata berdaderamente interesa den e diverso programanan ofreci pa Universidad y nan tabata serio pa loke ta e siguiente paso pa tuma den nan carera academico.

   “Dia 6 di November, tabata trata solamente di calidad, no di cantidad,” un vocero a comenta. “E interes profundo demostra pa nos bishitantenan a crea un excelente oportunidad pa hiba combersacionnan significante. Nos a haya realmente e oportunidad pa demostra e balor inmenso di nos programanan y yuda futuro studiantenan mira con UA por ta e piedra angular di nan futuro exito.”

   E exito di e anochi tabata resultado directo di e esfuerso increibel, dedicacion, y trabao den team di ful e famia di Universidad di Aruba. UA ta extende un caluroso danki na tur hende cu e contribui. Nan preparacion y spirito di colaboracion a laga un impresion duradero riba nos bishitantenan, reflehando e miho di Universidad di Aruba.

   Gradicimento na Partnernan den Comunidad: Un reconocimento special ta bay na tur e scolnan cu a manda studiante pa nan rol special den prepara e studiantenan y yuda difundi e mensahe. Boso sosten tabata vital den curasha e studiantenan pa ta bon informa ora di tuma decisionnan tocante nan futuro y reconoce e oportunidadnan educacional di nivel mundial cu ta disponibel aki mes riba nos isla.

   Bo Futuro ta Cuminsa Awo: Universidad di Aruba ta kere firmemente cu un inversion den educacion ta un inversion den un futuro mas briyante pa ful e comunidad di e isla. Nos ta invita tur esnan cu a perde e evento, of cu ainda tin pregunta, pa sinti liber pa tuma contacto cu nos na cualkier momento cu ta. Nos porta semper ta habri pa papia riba boso soñonan y na ki manera Universidad di Aruba por yuda bo.

Tuma contact cu WhatsApp na 564-0535 of lo bay topa 26 di maart, 2026.