ORANJESTAD (AAN): E tabata un momento special, ora cu Vanessa a check su ticket di MiniMega di Diabierna siman pasa,
y a nota cu su ticket tin e numbernan 03, 04, 06, y 09, cu e Megaball 04.
Esey nifica cu su numbernan di suerte ta esun cu a dun’e e jackpot grandi e anochi ey. El a gana e jackpot di 475 mil Florin di Mini Mega, y el a hunga e opcion di 2 Florin extra, y a gana e 200 mil Florin di Megaa Plus.
Pues total Vanessa a gana e suma di 675.000 Florin cu e wega di Mini Mega. El a acudi Dialuna na oficina di Lotto, unda funcionaria a revisa e ticket. Computer a confirma cu el a gana e jackpot, y asina a start cu e proceso pa transferi e premio electronicamente pa su cuenta di banco.
Vanessa a indica cu e ticket ganador el a cumpra na Tele Uno II.
