Exitoso ‘movie night’ teni den Parke Nacional Arikok

ORANJESTAD (AAN): E regreso di e asina yama ‘anochi di pelicula den naturalesa’ tabata exitoso na Parke Nacional Arikok.

   Rondona pa e naturalesa fenomenal di Aruba, sigur e anochi di pelicula aki a inspira y conecta tur hende riba e grandesa di naturalesa rond mundo, no djis esun di Aruba.

   E anochi aki, ademas di e documentario educacional, publico a mira debut tambe di e short film di e atleta Daexo Croes, cu su landamento historico for di Bonaire pa Curaçao na 2022 como parti di su iniciativa di ‘Crossing for Prevention’.

   Aunke awa a yobe duro e anochi aki, e anochi magico aki a wordo haci posible via un colaboracion cu Aruba Tourism Authority.  E potretnan aki pa cortesia Parke Nacional Arikok y ARTN Photography.