Exitoso ‘Movie Night’ di Leerlingenraad di Colegio Arubano

ORANJESTAD (AAN): E idea tabata formidabel, y pesey diferente alumno a acudi den fin di siman pa participa na e ‘Movie Night’,

cu ta e prome edicion di esaki organiza pa e comision di alumnonan di Colegio Arubano na Vondellaan na Playa.

   Esaki a ser haci cu un pantaya grandi, cu speakernan cu bon volumen, y a presenta e anochi aki e pelicula “10 Things I hate about you”.  E ta un pelicula romantic-comedy di decada di 1999, y tabata pone publico haci bay goal.

   Publico a sinta riba stoel, otro riba banki, algun a bin cu nan comfy-chair, y tambe tabatin algun cu a bin cu nan clechi grandi cu cusinchi, pa drumi abao y mira e pelicula.  Holo di Popcorn a plama tur caminda, y no tabatin nada di awacero pa stroba e anochi.

   Palabra di pabien na Leerlingenraad, pasobra esaki tabata hopi ‘cool’ mes.