Exitoso evento di competencia di Back to School Hot Wheels

ORANJESTAD (AAN): Debi cu e deporte di Hot Wheels a haci su comeback den e pueblo di Aruba,

varios coredor pa un tempo caba tabata pidiendo pa reactiva e pista di Fast Tracks, cu comunidad ta cu ta keda riba e caminda pa Palo Marga.

   Diasabra ultimo despues di casi 25 aña famia Geerman a habri nan cura di cas pa asina yama bon bini na e coredornan di mini drag. E pista keto bay ta bow liderato di Patrick Geerman pero awor ta conta cu e sosten di su yiu homber Jadon Willems cu ta cla pa take over e operacion di e pista y take it to the next level.

   Resultado di Back to School Hot Wheels event di autonan stock di 40 gram.

1. Edu Racing
2. No Mercy Racing di Gilbert Raven
3. Hao Racing di Greg Oehlers

  Un total di 137 team a inscribi pa e event cual a produci un toral di 548 den competencia cual a dura algo mas di 6 ora pa e por a worde cori.

   Awo famia Geerman/Willems lo bay back pa analisa con e evento aki a cana y kico lo mester worde haci pa improvisa y mehora e deporte aki cu grandi y chiquito ta gusta.