Exitoso evento di Christmas Village na Good Samaritan Christian Center na Dakota

ORANJESTAD (AAN): Recientemente na Good Samaritan Christian Center den Avenida Milio Croes, tabatin un actividad special relaciona cu e temporada di Fin di Aña.

   Frank Daal, pastoor di Good Samaritan Christian Center a splica cu nan a organisa e concepto di Christmas Village, como cu e nucleo ta nacemento di Hesucristo.  Nan meta cu e Christmas Village ta pa preserva e mensahe di mas importante.  Pasobra si bo mira con mundo ta bayendo completamente robes, yamando tur cos bon pa malo, y tur cos malo ta wordo yama pa bon.  Ora bo mira e palabra di Dios, nos tin e mandato pa loke nos ta kere ta e berdad.

   E ora e nacemento di Hesus ta bira hopi importante, y aki por mira elementonan di e nacemento, e luz, e alegria, e paz y trankilidad, tur famia ta bin hunto cu cuminda, y tur ta conecta cu e mensahe y a purba di hinca esey den otro.

   E biaha aki, Good Samaritan Chrisian Center a bin cu un seccion general unda publico por sinta.  Tambe a bin cu un seccion di VIP pa djis sinta y goza di e show.

   Ta recauda fondo tambe pa e edificio den cual nan ta, pasobra nan no ta haya subsidio ni nada.  Pues di nan mesun forsa y generosidad ta pone talento disponible y nan ofrenda pa bira como doño como fundacion di nan mesun edificio, y ta lage pa futuro generacionnan pa asina e palabra sigui propaga su mes di un generacion pa otro.

   Nan ta hopi contento, pasobra e VIP tabata casi yen, y e seccion general hendenan ta bin sinta y tuma cuminda y bay.

   Presentacion cu a wordo duna durante e Christmas Village ta di diferente genero, hopi varia y anima, y a inclui un obra di drama, como tambe gaita.