Exitoso evento di adulto mayor na Fundacion Famia Piedra Plat

ORANJESTAD (AAN): Diasabra 2 september 2023, directiva di FFPP a ofrece un desayuno y charla na mas o menos 55 adulto mayor di 60+ di e bario di Piedra Plat y vecindario y algun otro invitado.

   Chefkok Soraya cu ayudo di algun boluntario a prepara un desayuno saludabel pa esnan presente, mientras señor Roberto Croes a duna un charla hopi interesante tocante e historia di e bario di Piedra Plat.

   Cu hopi interes tur hende a sigui e charla y a participa despues na un quiz cortico y e 3 ganadornan a ricibi un regalo.

   Na na final a haci un enquesta y tur e adultonan mayor di 60+ a indica cu nan lo apresia pa FCFPP sigui cu e encuentronan aki y a bisa kico nan lo desea pa tin den  e encuentronan.

   Un danki ta bay na tur e boluntarionan y na CEDE Aruba cu ta support y guia diferente proyectonan den bario atraves di e proyecto “Barionan Unico”.

   Directiva di Fundacion Centro Famia Piedra Plat a keda hopi contento di mira e grupo di 60+ aki cu asina hopi entusiasmo y a gradici nos hopi pa con e programa tabata hinca den otro y cu nan a gosa di e mainta.