Haci pa Plan di Mayor y Universidad di Aruba
ORANJESTAD (AAN): Den e ultimo 4 siman nan Plan di Mayor hunto cu Universidad di Aruba a ehecuta e investigacion titula “Nos Hoben y Su Bida Familiar”. E meta tabata pa yega na un total di 400 hoben di edad entre 12 pa 16 aña, y pesey a acudi na 13 scol secundario rond di Aruba.
E prome etapa di e estudio tabata pa hoben nan a yena e encuesta den forma digital (haci via tablet), e encuesta aki tabata totalmente anonimo. Topico di e preguntanan tabata e hoben su situacion personal (edad, scol, sexo etc.), e constelacion di famia di e hoben, e relacion di e mayornan y e hoben y por ultimo e hoben su comportacion y sentimentonan.
E trabao aki a worde coordina door di Marvin Odor di Instituto Pedagogico Arubano, Michella Steenvoorde-Laclé, Thalina Willems, Michelmira Arends, Damisha Cruz di Plan di Mayor. Den total a logra di haya 424 hoben pa participa den e encuesta na 13 diferente scol secundario.
E resultado di e estudio aki lo worde uza pa establece y formalisa e guia y acuerdonan encerando cuido y areglo di bishita despues di e implementacion di e ley, y e efectividad di Plan Di Mayor.
E di dos etapa ta cuminsa awor, e data lo worde procesa pa Dr. Luc Alofs y Drs. Judesca Briceño di Universidad di Aruba den colaboracion cu Dr. Inge van der Valk di Universidad di Utrecht. E investigadornan aki lo prepara e presentacion di e data aki, y lo start preparacionan pa aki 2 aña nan ripiti e encuesta aki na tur scol secundario.
Mas detaye tin na e website di: plandimayor.org
Plan di Mayor kier a gradici tur mayornan y scolnan di Aruba pa laga nan yiunan participa na e estudio.
