E detecta rond mundo con Coralnan atrobe a cuminsa blikia

E ta andando aworaki globalmente

ORANJESTAD (AAN): E ta un advertencia cu ta worde transmiti rond mundo!  Tin un “Evento Global di Blikia Coral” ta tumando lugar aworaki den lama rond di e planeta.

   Na e momentonan aki mundo ta experenciando un evento general di blikia coral, cu ta ser yama na ingles “Coral Bleaching”.  Esaki ta di dos biaha cu esaki ta worde detecta globalmente den e decada, cu expertonan di National Oceanic and Atmospheric Administration (NOAA) y International Coral Reef Initiative (ICRI) ta pronostica por ta mas severo cu e evento di aña pasa. E ripiticion di evento di blikiamento cu asina un intensidad y frecuencia ta enfatisa e reto continuo di cambio climatico y su impacto riba biodiversidad marino den Caribe (Hulandes) y mas aya.

   Compronde blikiamento di coral: Blikia coral ta un fenomeno cu ta afecta e ecosistemanan marino rond mundo, causa pa factor di stress manera fluctuacion di temperatura, variacion di luz of cambio den nivelnan di nutriente.

   Bao di e condicionnan extremo aki, e coralnan ta expulsa e alga simbiotico cu ta biba den nan tehido, cu ta conduci na perdida di color y vitalidad. Aunke coral blikia no ta un morto inmediato, e ta bira mas sensitivo pa morto bao di stress extensivo y pa largo tempo.

   Evento di blikiamento di aña pasa compara cu 2024: Den e añanan anterior, e rifnan di coral a experencia un blikiamento significativo debi na temperaturanan cayente no comun di lama.

   E aña aki, e situacion ta parce di bira mas pio, cu temperatura mas cayente registra, indicando un impacto potencialmente mas severo riba salud di coral y mas evento extenso di blikiamento. E stress di temperatura actual ta na caminda caba ( mas trempan cu normalmente) aunke algun coral no a bira bruin back completamente di e evento di aña pasa.

   Medida di proteccion implementa: Apesar di e retonan cu cambio di clima ta trece cu ne, e esfuersonan pa conservacion ta trece un luz di speranza. Diferente organizacion den Caribe Hulandes ta dedica na salvaguardia e rifnan di coral door di maneho di area proteha, investigacion, conservacion, educacion y iniciativanan di restauracion.

   Explora oportunidad di trabao boluntario y busca detaye di contacto pa por participa na e website aki:

www.bit.ly/coralblikia

   E esfuersonan combina di e protectornan di naturalesa, trahadonan di maneho, cientificonan y comunidadnan local ta hunga un rol crucial den preserva e ecosistemannan fragil aki.

   Trata menaza local: Con pa trat’e y  promove capacidad di recuperacion. Ademas di cambio di clima global, factornan local manera desaroyo di costa no regula, maneho inadecua di desperdicio y especie invasivo ta contribui na degradacion di rif di coral.

   Tambe financiemento sostenibel cu no ta suficiente ta stroba maneho di conservacion. Tratando e problemanan aki hunto cu proteccion di rif y esfuerso pa restauracion ta esencial pa mehora capacidad di recuperacion di ecosistema di coral contra factor di stress manera evento di blikiamento den futuro.

   Compronde e balor di rif di coral: Rif di coral ta duna un servicio incalculabel tanto pa bida marino como pa comunidad humano.

   Nan ta actua como barera natural, protegiendo e costanan di erosion y daño di tormenta, mientras cu tambe nan ta sosteniendo sector di pesca y turismo cu ta vital pa economia y bienestar di Caribe Hulandes.

   Conclusion: E evento actual di blikia coral ta sirbi como un bon recordatorio di e necesidad urgente pa atende cu cambio climatico y su impacto riba ecosistema marino. Pa medio di accion colectivo y practica sostenibel, nos por traha pa preserva e rifnan di coral valioso aki pa e generacionnan cu ta bin.

   E informe aki a bin di Dutch Caribbean Nature Alliance (DCNA) ta sostene comunicacion (cientifico) y embergadura den e region Hulandes Caribense door di haci informacion cientifico relaciona cu naturalesa mas ampliamente disponibel via, entre otro, Dutch Caribbean Biodiversity Database, e plataforma di noticia di DCNA BioNews y via prensa. E articulo aki ta contene e resultadonan di diferente proyecto (cientifico), pero e proyectonan mes no ta proyecto di DCNA. No por deriva ningun derecho for di e contenido. DCNA no ta responsabel pa e contenido y e consecuencianan in(directo) cu publicacion di e articulo aki.

   Aki por mira con coralnan ta bikia, riba potret pa cortesia Mark Vermeij di Carmabi.  Esnan cu kier mas info por contact: This email address is being protected from spambots. You need JavaScript enabled to view it.