Exitoso Celebracion di Dia Mundial di Teatro y entrega di Premio Nacional di Teatro 2023

ORANJESTAD (AAN): Ministerio di Cultura Aruba, conhuntamente cu Departamento di Cultura Aruba a celebra na grandi e Dia Mundial di Teatro 2023.

E actividad a tuma luga dialuna 27 di maart den un Cas di Cultura completamente yen.

  Pa mas di 19 aña consecutivo, riba dia 27 di maart di cada aña, ta celebra na grandi e fecha aki, como e dia na unda tur e gremio artistico, specialmente e gremio teatral por uni den e celebracion, pa asina aki den conhunto por duna e valor y atencion cu teatro ta merece den nos comunidad.

   Durante di e anochi exitoso aki tabata tin diferente presentacion, entre otro:

Video di entrevista di alumnonan di Burny Every. (dfm).  Lectura di e Mensahe Mundial di Teatro 2023 skirbi pa actriz Egipcia Samiha Ayoub presenta pa Marilis Backer conhuntamente cu Acto di Apertura: "Suspiro di speranza" na encargo di Adriana Cereste.

   Palabra di Introduccion di Maestra di Ceremonia. Marilis Backer. Presentacion di e Prome y exitoso Obra teatral hubenil: "From where we came" Dirigi p’e’’ Maestro Ferdinand Franca, skirbi pa e gran maestro: Charles Croes, Produci pa: Creative Arts Aruba y presenta pa studiantenan di C.A.A.

   Palabranan elocuente di Minister di Cultura y Finansa: ms Xiomara Maduro.

Homenahe Postumo: Aplauso pa Burny Every, bao direccion di e maestra Amy Lasten, cu participacion di e siguiente actornan: Carlos Croes, Carmen Herrera, Ligia Osorio, Mario Van der Biezen, Narador y comentarista: Joyce Pereira. Musica: Omar Kock. Canto bao direccion di Pilar Cultural: Aura Maybelline Arends-Croes. Poesia y narativa di: Marjorie Vermeer Luidens, Tecnico di zonido: Wilfred van Weert. Asistencia di produccion y exposicion: Jarmine Acosta, Tecnico: Stanley Heinze.

Entrega di Reconocemento Nacional di Teatro: Homenahe Postumo di Teatro 2023 na sra Bernadina Elizabeth Every (dfm) y Entrega di Premio Nacional di Teatro 2023 na e productor: Norman Philip de Palm.

Y pa termina e tremendo anochi aki, a duna credito y gratitud na tur participante cu presentacion di 2 tema musical di e obranan teatral manera: Kandela di Amor, dedica na Norman de Palm como tema central di e Obra Kanto di Tur Kanto dirigi pa Sr. Jhon Freddy T. Montoya, produci pa Sr. Norman de Palm, como resultado di e intercambio cu Instituto di Cultura Aruba, conhuntamente cu la Tentashon y Teatro Luna Blou di Curaçao a produci y finalmente e tema: Ora Ubao” di Sr Hubert Lioo Boi, tema central di e cancion Amor di Kibayma. Graba pa e productor: Sergio Tjie A Loi, conhuntamente cu: sr. Hubert Fernando Ras, canta pa: Señora Antonieta Ras Booi.

Ta gradici na Ministerio di Cultura Aruba pa nan tremendo contribucion di semper.