ORANJESTAD (AAN): Nan proyecto conoci como ‘Tayo riba Mesa’, lo tin un edicion special pa Pasco.
Pesey e organizacion di Aruba One Happy Island Lions Club ta organizando un colect di cuminda, pa asina pueblo por yuda contribui.
Tur hende por haci donacion di cuminda seco, producto higienico, personal y regalo pa e muchanan. Un biaha mas e Leonnan di One Happy Island Lions Club ta organiza e coleccion di productonan alimenticio, higienico y personal pa yuda famianan den necesidad. Nos ta invita comunidad di Aruba pa yuda nos colecta comestibel y donacionnan pa famianan cu tin menos recurso durante e temporada di fiesta.
Esaki coleccion lo tuma luga diasabra dia 6 di December y Diasabra dia 13 di December for di 10:00 am te cu 1:00 pm, na Centro Kibrahacha na Piedra Plat. Esaki ta caminda pariba di Bright Bakery bay panort. Pasa y haci bo donacion.
Bo por duna cuminda seco / comestibel (aros, hariña, cumindanan den bleki, bleki sopi, cereal, pasta, lechi, buscuchi, juice, etc.). Tambe Producto personal & higienico (deodorante, shampoo, habon, pasta di djente, Q-tips, etc.) Tambe productonan basico pa hogar (desinfectante, toilet paper, detergente, producto pa laba tayo, etc.) Tambe regalonan pa muchanan, y cualkier otro tipo di apoyo pa famianan.
E meta di e proyecto aki ta pa yuda combati hamber durante e dianan di fiesta, cu e donacionnan ricibi lo prepara macuto di cuminda pa famianan cu ta pasa den situacion dificil. Bo donacion ta yega directo na un mesa di un famia cu tin mester. Un invitacion na comunidad y comercio pa forma parti di e gesto di bondad aki, cada acto ta yuda cambia un bida di un famia den necesidad.
Tambe tin e oportunidad pa cumpra e rifa di Harley Davidson.
