Ex edificio di General Store a wordo basha full abao

ORANJESTAD (AAN): Debi na e hecho cu tin varios edificio di hopi decada di existencia den Oranjestad, y cu a bira asina hopi decai y ta forma un peligro pa hende, y peatonnan cu ta pasa den e cayanan, a dicidi na basha nan abao.

   Recien caba a basha abao e edificio unda tabatin antes e agencia di H.S. Croes & Sons den Wilhelminastraat, un tiki pabao unda tabata B.J. Arends & Sons Hardware.  E pisonan ariba tabatin diferente kraak critico den nan, y esey tabata haci full e edificio peligroso.  A basha esey ya caba full abao.

   Siman pasa DIARIO a tuma nota cu e edificio cu antes tabata conoci como ‘General Store’ den Nieuwstraat a wordo basha abao.  Esaki ta situa net dilanti ex-Rialto Theater den area conoci como ‘Vietnam’.

   E tienda aki cu pa hopi decada tabata e lugar unda tur hende ta acudi pa cumpra cualkier artefacto electrico, y tambe wayanan pa instalacion na cas, bombiyo di tur tipo, tabata bashi pa algun aña caba.

   A presenta cu diferente heavy equipment pa asina a basha esaki completamente abao.  Pues pa awor e ta un tereno full habri bek, y sin ningun peligro mas pa hendenan cu ta cana eybanda.