Evento grandi di Drifting prepara pa otro aña Dia di Himno y Bandera

ORANJESTAD (AAN): Riba Diahuebs mainta, Ministro di Deporte, Gerlien Croes, a reuni cu Jason Fun y

representantenan di Bushiri Karting pa dialoga riba e actividad di drifting cu ta desea di organisa den luna di maart 2026 den marco di Dia di Himno y Bandera.

   Durante e reunion a comparti vision, retonan y plannan pa promove y desaroya e deporte di Drifting na Aruba, y esaki den un manera responsabel y structura.

   Drifting ta un deporte di motor, unda e chauffeur intencionalmente ta usa ‘over-steer’ pa laga un auto move y slide di banda, na un forma controla, y pasa asina na un skina, y semper e chauffeur manteniendo control completo y full velocidad.

   Segun historia, el a origina na Japon den decada di 1970, y a desaroya den un deporte competitivo, unda ta huzga e habilidad di e chauffeur pa sigui un linea designa riba e cancha, mantene un angulo consistente ora cu e auto ta slide, y ehecuta maniobranan cu estilo.