Estefania Osorno eligi como Supervisor di Aña di Casa del Mar

ORANJESTAD (AAN): Recientemente a honra e empleadonan cu a sobresali durante 2025 na Casa del Mar Beach Resort Aruba.

   E resort a honra e persona kende a wordo escogi como Supervisor di Aña 2025.   Tambe a honra nan empleado cu a sobresali den e prome mita di aña, y un otro kende a sobresali den di dos mita.

   Como Supervisor di Aña 2025 a wordo escogi Estefania Osorno, kende ta Front Office Supervisor.  Loke hopi hende kizas no sa, ta cu Estefania ta un di e mentenan creativo tras di e esfuerzonan di mercadeo di Casa del Mar.  E ta colabora sin problema cu otro departamentonan pa asina mantene operacion funcionando perfectamente.

   Como Empleado di Prome Mita di 2025 a keda eligi Gerardine Geerman, kende ta Loss Prevention Officer.  Semper e ta un persona cla pa duna un man ora tin mester.

   Como Empleado di Segundo Mita di 2025 a keda eligi Fernan Koolman, kende ta Bellman y Front Office Reliever.  E ta un persona multifacetico y facilmente por haci tur trabao.