Esnan di Klas 6C di Scol Basico Washington 6C a haya sa mas di nan ‘Cunucu’

ORANJESTAD (AAN): E hardin di agroforesteria cu Scol Basico Washington tin, awor ta carga e nomber di ‘Cunucu di SBW’.

   Tur dialuna ta toca turno di un klas pa bay yuda den e Cunucu di SBW.   Prome e muchanan a haya un splicacion cortico di kico e meta di nos cunucu ta. Despues bou guia di e voluntarionan e muchanan a pone man na obra.

   Siman pasa, e muchanan di Klas 6C a bay den Cunucu SBW.  Nan a haya informacion tocante e importancia di awa y "mulching" pa asina e matanan sigui crece.  Di berdad e muchanan a explora den cunucu cu vergrootglas.  Tambe nan a haya oportunidad pa hole diferente mata y yerba manera oregano, yerba di hole, y toronjil.