ORANJESTAD (AAN): Recientemente Gobernador Alfonso Boekhoudt, a ricibi señora Esmeralda Tromp-Jacobs pa un audiencia.
Durante di e bishita aki, señora Tromp-Jacobs a entrega Gobernador su buki nobo pa mucha titula ‘Max y e Taki Encanta’.
E storia den e buki aki ta trata e mundo rico den fantasia di mucha y ta enfatisa e importancia pa adultonan duna muchanan e espacio necesario pa asina nan por experiencia nan infancia sin wordo stroba y asina desaroya nan imaginacion y creatividad libremente.
Cu e buki aki, Sra. Tromp-Jacobs tin como meta pa contribui na stimula buki pa mucha na Papiamento y promove lesamento na Aruba den e idioma materno. E potret aki pa cortesia di Kabinet Gouverneur Aruba.
