Bon conseho di Tienda di Educacion
ORANJESTAD (AAN): Ta importante pa splica den e epoca moderno aki, e motibo pa cual muchanan mester di ‘structura’.
Un aña escolar exitoso ta cuminsa prome cu muchanan cuminsa scol. Un structura cla, reglanan simpel y rutinanan regular ta yuda muchanan comprende kico ta spera di nan. Nan por yuda baha stress stimula independencia y haci transicionnan mas facil.
Muchanan ta sinti nan mas sigur ora nan sa kico ta bay pasa y kico ta spera di nan.
Structura no ta significa cu tur cos mester ta perfecto of estricto. E ta significa duna guia, consistencia y un rutina cu ta yuda e muchanan sinti cu e tin sosten.
Cuminsa cu un rutina simpel, manera prepara e tas pa scol e anochi prome of sigui e mesun orario tur mainta tur dia.
Un tiki structura tur dia por haci un diferencia grandi.
