ORANJESTAD (AAN): Cada 19 di october, mundo ta uni pa conmemora Dia Mundial di e Lucha contra Cancer di Pecho,
cu un mensahe hopi importante: e importancia di deteccion tempran pa mehora e pronostico y sobrevivencia di esnan cu ta sufri di e malesa aki.
E obhetivo principal di e fecha aki ta pa crea conciencia den comunidad, resaltando cu ora bo por detecta cancer di pecho mas tempran, bo tin un hopi miho posibilidad di cura y alarga bida.
Ta importante pa hiba e mensahe pa siña con pa haci test regularmente na cas y sigui e recomendacionnan di bo dokter, particularmente ora cu e sugeri pa haci un mammogram.
Mantene bo salud un prioridad y tuma accion tempran!
Adhunto por mira un imagen cu a keda comparti door di Departamento di Salud di Aruba cu ta sirbi como guia pa bo por samina bo mes y detecta cualkier iregularidad na bo pechonan.
