BARRANQUILLA: Oficialnan di Polis Anti-Droga di Polis Nacional Colombiano, a logra intercepta y confisca 5.000 kilo di cocaina den dos waf Caribense di Colombia.
E prome caso a socede na waf di Barranquilla, unda Polisnan den inspeccion di containernan cu ta cla pa sali riba barco rumbo pa Europa, a bin descubri cocaina cu tabata mezcla cu un substrato di coco, y e mezcla inusual aki tabata bayendo pa Valencia, na Spaña.
Un cacho special pa detecta droga, tabata repasa cada un palet unda e mercancia ta poni, y asina a bin haya un total di 2.782 kilo.
E mesun momento, na Waf di Santa Marta, autoridad tabata revisa carga poni na e stacionnan di check peso, y aki a bin haya den un cargamento di fruta cu destinacion pa Belgica, un total di 1.811 kilo di cocaina.
Un tercer caso a socede na Waf di Cartagena unda a haya 410 kilo di cocaina procedente di Guayaquil na Ecuador, pasobra durante cu a revisa e container, a bin haya 14 container di diferente color, y e intercambio di informacion a alerta autoridadnan Colombiano pa asina localiza e barco cu tabata transporta e droga.
