ORANJESTAD (AAN): E representantenan di Partido UPP, a acudi Diaranson na e Reunion cu Conseho Electoral a convoca.
Tur partido presente a trece nan punto padilanti.
Esnan di Partido UPP a enfatisa cu nan tin 100% di confianza den e empleadonan di Censo y tur esnan cu a traha oranan largo na urnanan electoral.
Sinembargo unda hende ta traha erornan por worde cometi. Esaki tabata e caso cu e persona #3 riba lista di UPP, esta drs. Booshi Wever tin voto na stemlokaal 61 cu no a wordo registra. E error aki a ser adresa y di parti di Censo mesora esaki a worde coregi.
“Mi votonan a bay eroneomente pa un otro candidato di UPP, y ta pesey mi cantidad di voto a bira 174,” Wever a declara riba Social Media.
“Nos a trece padilanti cu door tin un duda den e cantidad di votonan invalido, UPP a pidi pesey cu reconteo, mescos cu den pasado na 1989 MEP tambe a pidi. E tempo ey tambe a wak e situacion y NO a haya necesario pa haci reconteo!
E tempo ey MEP no a keda contento pero nos mester tin confianza den nos sistema!
Wever a finaliza bisando: “Mi tampoco ta contento con sr. Thode a atende e asunto, ya cu hustamente na momento cu tin asina tanto duda, mester duna espacio pa kita e dudanan aki y toch repasa loke ta worde pidi. Pero sr. Thode, cu razon of sin razon, tabata intransigente!”
