ORANJESTAD (AAN): Presidente suplente di Algemene Rekenkamer, Frederick Nuboer, na salida di su audiencia cu Gobernador Alfonso Boekhoudt
a atende cu prensa unda el a laga sa cu proximamente Rekenkamer ta bay haci publico un raport relaciona cu FASE.
E raport aki ta den su fase final, pero eynan ta bay mustra kico a bay bon y kico a bay malo cu e programa di FASE cu ta wordo paga na e momentonan aki.
El a remarca cu den ley tin consecuencianan poni si ta constata algo iregular. Ta na parlamento pa bay trat'e den nan mesun colegio. ARA lo indica precis kico nan a wak cu a bay malo y nan lo haci seguimento di esey.
ARA kier wak kico lo wordo haci cu e raportnan di Rekenkamer y nan lo raporta bek na publico si algo a wordo haci si of no, Nuboer a declara.
